بریڈ رول
اجزاء
آلو(اُبال کر پیس لیں) 2عدد
چکن(اُبال کر ریشے کر لیں ) 1کپ
نمک حسبِ ذائقہ
کالی مرچ 1 چائے کا چمچ
چاٹ مصالحہ 1 چائے کا چمچ
زیرہ پاؤڈر آدھا چائے کا چمچ
سفید مرچ 1 چائے کا چمچ
ہرا پیاز ایک چوتھائی کپ
شملہ مرچ(چوپ) ایک چوتھائی کپ
مٹر(اُبلے ہوئے) ایک چوتھائی کپ
چیڈر چیز(کدو کش کی ہوئی) آدھا کپ
مزریلہ چیز(کدو کش کی ہوئی) آدھا کپ
سینڈوچ بریڈ حسبِ ضرورت
سبز چٹنی آدھا کپ
مکھن 2کھانے کا چمچ
انڈا 2 عدد

بریڈ رول بنانے کی ترکیب ایک بر تن میں آلو ، چکن، نمک، کالی مرچ، چاٹ مصالحہ، زیرہ پاؤڈر، سفید مرچ، ہرا پیاز، شملہ مرچ، مٹر، چیڈر چیز، مز ریلہ چیز ڈال کر اچھی طرح ملا لیں۔ اب بریڈ کے کناروں کو کاٹ لیں اور اس کو بیلن کی مدد سے بیل لیں۔ اب اس پر سبز چٹنی لگا دیں اور اس پر تیار کیا ہوا آلو چکن کا مصالحہ رکھ دیں۔ اب بریڈ کے کناروں پر ہلکا ہلکا پانی لگا کر بریڈ کے رول کر لیں۔ اب ایک پین میں تھوڑا سا مکھن لگا لیں اور بریڈ کو اس پر دو سے تین منٹ پکا لیں۔ یا تیار کی ہوئی بریڈ کو انڈے میں ڈپ کر کے ڈیپ فرائی کر لیں۔آ پکے  مزے دار بریڈ رول تیار ہیں۔

افراد :

3-4